- तेस्रो आँखा डेस्क
काठमाडौं, ६ पुस । नेपाली कांग्रेसको कर्णाली प्रदेशबाट केन्द्रीय सदस्य पदमा राजीव विक्रम शाह विजयी भएका छन् ।
१४औं महाधिवेशनबाट केन्द्रीय सदस्यमा शाहले २ हजार ८ सय २० मत ल्याएर विजयी भएका हुन् भने पूर्वमन्त्री हृदयराम थानी पराजित भएका छन् । उनले २ हजार १ सय ९९ मत प्राप्त गरे । उनी एक मतले पराजित भएका हुन् ।
त्यस्तै, अर्का उम्मेदवार कर्णबहादुर बुढा पनि विजयी भएका छन् । उनले २ हजार २ सय मत प्राप्त गरेका छन् । कर्णालीबाट केन्द्रीय सदस्य पदमा महिला एक सिटका लागि भएको निर्वाचनमा संस्थापन समूहकै जानकी सिंह विजयी भएकी छन् ।
उनले २ हजार ६ सय २४ मत प्राप्त गरिन। निर्वाचन समितिअनुसार संस्थापनइतर समूहकी उम्मेदवार मैना कार्कीले १ हजार ९ सय ५५ मत प्राप्त गरेकी छन्।
