काठमाडौं, ९ पुस । नेकपा माओावादी केन्द्रको बैठक केही समयका लागि स्थगित भएको छ। पार्टीको केन्द्रीय कार्यालय पेरिसडाँडामा जारी बैठक आज दिउसो तीन बजे बस्ने गरी स्थगित भएको हो।
बैठकमा अध्यक्ष पुष्पकमल दाहाल ‘प्रचण्ड’ले राजनीतिक प्रतिवेदन पेस गरेका छन्। प्रचण्डले संक्षिप्तरूपमा प्रतिवेदन वाचन गरेर पेस गरेका हुन्। प्रतिवेदनमाथि दिउँसो तीन बजे बस्ने बैठकले पुनः छलफल गर्ने छ।
स्रोतका अनुसार प्रभात चलाउनेको समूह माओवादी केन्द्रमा समाहित हुने कार्यक्रम रहेकोले केहीबेर बैठक स्थगित गरिएको हो।
