- तेस्रो आँखा डेस्क
काठमाडौं । नेपाली कांग्रेसका नेताहरूको वरीयता क्रम तोकिएको छ। वरीयता क्रमअनुसार सभापति शेरबहादुर देउवा पहिलो नम्बरमा छन्। वरीयतामा पदाधिकारीहरू उपसभापति, महामन्त्री, सहमहामन्त्रीहरू रहेका छन् । कांग्रेसमा सभापतिसहित १३ जना पदाधिकारी रहन्छन्।
शनिबार सभापति शेरबहादुर देउवाले नेताहरूको वरीयता क्रम तोकेका हुन्। विधानअनुसार सभापतिलाई वरीयता तोक्ने अधिकार हुन्छ । त्यसपछि पहिलेका पदाधिकारी अर्जुननरसिंह केसी, शशांक कोइराला, रामशरण महत, चित्रलेखा यादव, गोपालमान श्रेष्ठ, सुनिलबहादुर थापापछाडि मात्रै कोइरालालाई राखिएको छ।
दोस्रो र तेस्रो वरीयतामा रामचन्द्र पौडेल र कृष्णप्रसाद सिटौलालाई राख्ने भनिए पनि खुलाइएको छैन । १३औं महाधिवेशनपछि पौडेल दोस्रो वरीयतामै थिए। १४औं महाधिवेशनमा उनी मतदान नगरी बसेका थिए। सिटौला भने महाधिवेशनमा देउवासँग मिलेका थिए।
पौडेल र सिटौलालाई केन्द्रीय सदस्य मनोनित गर्ने देउवाले तयारी गरेका छन्। सभापतिमा पराजित भएका डा. शेखर कोइरालाको वरीयता भने अझै तोकिएको छैन । नियमअनुसार सभापतिमा पराजित हुने तर धेरै मत ल्याउने उम्मेदवार स्वतस् केन्द्रीय सदस्य हुने प्रावधान छ। १३औं महाधिवेशनमा कोइराला वरीयतामा ३५ नम्बरमा थिए।
