- तेस्रो आँखा डेस्क
काठमाडौं, ११ पुस । नेकपा माओवादी केन्द्रको आठौं सम्मेलन (महाधिवेशन) जारी छ । सम्मेलनमा विभिन्न दलका नेताहरु सहभागी भएका छन् ।
त्यही क्रममा नेकपा (क्रान्तिकारी) माओवादीका नेता सिपि गजुरेले मञ्चबाट माओवादी एकताको कुरा स्मरण गरे । उनले भने 'प्रचण्डले एकताका लागि गरेको प्रस्तावलाई मैले सकारात्मक रुपमा लिएको छु ।' सबै पूर्व माओवादीहरु एक हुनुपर्ने उनको भनाइ छ । तर एकताका लागि कही आधारहरु तयार पार्नु पर्ने उनको भनाई छ ।
उनले एकताको पहिलो आधार जनयुद्ध सुरु हुनु भन्दा अगाडीको अधिवेशनमा गरिएको प्रतिवद्धतालाई पुर्न:स्थापना गर्नुपर्ने बताए । यसैगरि मााओवादीको अधुरो लक्षलाई पुरा गर्न माओवादीको महाधिवेशनले कार्यक्रम तयार गर्नुपर्ने उनले बताए ।
यसैगरि उनले राष्ट्रिय स्वाधिनताका बिषयमा निर्णय गर्नु पर्ने र नेपालले गुमाएको भुभाग फिर्ता ल्याउनका लागि महाधिवेशनले ठोस निर्णय गर्नुपर्ने बताउदै उनले भने 'यि विषयमा माओवादी क्लियर भए एकताको ढोका खुल्ने छ ।'
