३ कात्तिक, काठमाडौं । भारतको दिल्ली सरकारले वर्षाका कारण बालीनाली नष्ट भएका किसानलाई क्षतिपूर्ति दिने निर्णय गरेको छ । दिल्लीका मुख्यमन्त्री अरबिन्द केजरीवालले बालीनाली क्षति भएका किसानलाई प्रतिहेक्टर ५० हजार भारु (८० हजार रुपैयाँ) क्षतिपूर्ति दिन आदेश दिएको प्रेस ट्रस्ट अफ इन्डियाले जनाएको छ।
अहिले क्षति विवरण संकलन गरिरहेको र दुई हप्तामा विवरण संकलनको काम सकिने केजरीवालले बताए। उनका अनुसार किसानले दुई महिनाभित्र क्षतिपूर्तिको रकम पाउने छन्। दिल्ली सरकार किसानलाई क्षतिपूर्ति दिन प्रतिवद्ध रहेको र यो क्षतिपूर्ति भारतमै सबैभन्दा बढी रहेको मुख्यमन्त्री केजरीवालको भनाइ छ।
केही दिनदेखि अस्वभाविक रूपमा पानी पर्दा भारतका धेरै ठाउँमा जनधनको क्षति भएको छ भने किसानहरूको धानबाली नष्ट भएको छ।
