काठमाडौँ,कात्तिक ५ ।
नेकपा एमालेको स्थायी कमिटी बैठक आज पनि बस्दैछ । ललितपुरको च्यासलस्थित तुलसीलाल स्मृति प्रतिष्ठानमा दिउँसो २ बजेदेखि बैठक सुरु हुने एमाले कार्यालय सचिव शेरबहादुर तामाङले जानकारी दिए । आजको बैठकमा १० बुँदे सहमति र यसको कार्यान्वयनका विषयमा संयोजक भीम रावलले तयार पारेको प्रतिवेदन पेश गर्ने र त्यसमाथि छलफल गर्ने कार्यतालिका तय भएको तामाङले बताए । आगामी महाधिवेशनको व्यवस्थापनका विषयमा पनि बैठकमा छलफल हुने उनको भनाइ छ । हिजोको बैठकमा केही नेताले १० बुँदेलाई लिएर अध्यक्ष ओलीले पछिल्ला सार्वजनिक कार्यक्रममा दिएको अभिव्यक्तिप्रति प्रश्न उठाएका थिए ।
