तेस्रो आँखा
काठमाडौं, १९ पुस । नेकपा एकीकृत समाजवादी पार्टीले राष्ट्रियसभा निर्वाचनका लागि चार जना उम्मेदवारको नाम टुङ्गो लगाएको छ । पार्टीको केन्द्रीय सचिवालयको बैठकले उम्मेदवारको नाम टुङ्गो लगाएको नेकपा एसका प्रचार विभागका प्रमुख जगन्नाथ खतिवडाले जानकारी दिए ।
एसले प्रदेश १ बाट जयन्ती राई, बागमती प्रदेशबाट गोमा तिमल्सिना, लुम्बिनी प्रदेशबाट राजेन्द्रलक्ष्मी गैरे, कर्णाली प्रदेशबाट उदय बोहोरा र सुदूरपश्चिम प्रदेशबाट मदनकुमारी (गरिमा शाह) लाई उम्मेदवार बनाउने निर्णय भएको हो । माघ १२ गते हुने निर्वाचनका लागि भोली उम्मेदवारी दर्ता गर्ने निर्वाचन कार्यतालिका रहेको छ ।
