काठमाडौं । श्री एयरलाइन्सले दुई वटा जहाज खरिद गर्ने भएको छ । यही जनवरीभित्र नै जहाज भित्र्याउने गरी तयारी गरिरहेको एयरलाइन्सका प्रवक्ता अनिल मानन्धरले जानकारी दिए ।
मानन्धरका अनुसार जहाज खरिद प्रक्रिया अन्तिम चरणमा पुगेको छ । श्रीले हाल उडान गरिरहेको क्यू ४०० जहाज खरिद गर्न लागेको छ ।
श्रीले हाल पोखरा, भैरहवा, विराटनगर, भद्रपुर, धनगढी, नेपालगञ्जलगायत गन्तव्यमा उडान भर्दै आएको छ ।
