बुटवल । नेकपा एकीकृत समाजवादी लुम्बिनी प्रदेश कमिटी सचिव तथा केन्द्रीय सदस्यीय राजु गुरुङले पार्टी परित्यागको घोषणा गरेका छन् । मंगलबार केन्द्रीय समितिलाई राजीनामा पत्र लेख्दै उनले सो राजीनामा स्वकृत गरिदिन आग्रह गरेका छन् ।
पार्टी स्थापनादेखि समाजवादीमा लागेका गुरुङ पछिल्लो समय केन्द्रीय कमिटीका निर्णयमा असन्तुष्टि जनाउँदै निष्क्रिय रहेका थिए ।
एमालेबाट विभाजन भएपछि उनी रुपन्देहीमा समाजवादीको जिल्ला कमिटी स्थापनामा नेतृत्वदायी भूमिकामा रहेका थिए ।
गत प्रतिनिधिसभा निर्वाचनमा रुपन्देही क्षेत्र नम्बर २ मा गठबन्धनको तर्फबाट उम्मेदवार बनेका उनको उम्मेदवारी खारेजी भएको थियो ।
