काठमाडौं, २४ पुस । प्रधानमन्त्री शेरबहादुर देउवाले एमाले अध्यक्ष केपी शर्मा ओलीलाई एमसीसी पास गर्न सहयोग गर्न आग्रह गरेका छन् ।
ओली निवास वालकोटमै पुगेर प्रधानमन्त्री देउवाले ओलीलाई संसदबाट एमसीसी अनुमोदनका लागि सहयोग गर्न आग्रह गरेका हुन् ।
साथै उनले संसदको गतिरोध अन्त्य गरिदिन पनि ओलीलाई आग्रह गरेका छन् । जवाफमा ओलीले एमालेले जुन माग राखेर संसद अवरोध गरेको हो, त्यही माग सम्बोधन नभएकाले संसद अवरोध जारी रहने बताएका थिए । एमसीसीकाबारेमा भने ओलीले कुनै जवाफ नदिएको एक नेताले बताए ।
