काठमाडौँ । माल्दिभ्स पठाउँछु भनेर ठगेको आरोपमा प्रहरीले एकजना महिलालाई पक्राउ गरेको छ । पक्राउ पर्नेमा खोटाङको बाक्सिला घर भएर काँडाघारी बस्ने फुलमाया खत्री छिन् ।
प्रकाश बुढाथोकीलाई वैदेशिक रोजगारीको लागी माल्दिभ्स पठाउँछु भनेर ४ लाख ४० हजार ठगेको उपत्यका अपराध अनुसन्धान कार्यालयका एसपी रवीन्द्र रेग्मीले रातोपाटीलाई बताए । ४३ वर्षीया खत्रीलाई थप अनुसन्धान र कारवाहीका लागी प्रहरीले वैदेशिक रोजगार विभागमा पठाएको छ ।
माल्दिभ्स जान ५ लाख लाग्ने र सुरक्षा गार्डमा काम लगाइदिने आश्वासन दिएर उनले रकम असुलेकी हुन् ।
