काठमाडौँ । नेकपा एकीकृत समाजवादीले आगामी चैत मसान्तसम्म पार्टी सदस्यता नवीकरण, अद्यावधि र विस्तार गर्ने भएको छ । बिहीबार बसेको केन्द्रीय सचिवालय बैठकले आगामी महाधिवेशनका लागि २०८१ वैशाख १५ देखि २२ गतेसम्म प्रतिनिधि चयन गर्ने निर्णय गरेको हो ।
यस्तै आगामी फागुन मसान्तसम्म दस्ताबेज तयार गर्ने, महाधिवेशनमा कामका आधारमा (सदस्यता, नवीकरण, संगठन विस्तार आदी) १० जिल्लालाई सम्मानित गर्ने निर्णय गरिएको प्रचार विभागले जनाएको छ ।
यस्तै माघ २५ देखि चैत २५ गतेसम्म संगठन सुदृढीकरणको अभियान सञ्चालन गर्ने एकीकृत समाजवादीले निर्णय गरेको छ ।
