सुर्य घर्ति मगर
कार्यसमितिको तयारि (नियमित बैठक) * कार्ययोजना / मासिक लेवी * विभागीय जिम्मेवारी तथा कार्य बाडफ़ाट * बिबिध विषयहरुको मूल एजेण्डामा सुरु भएको बैठक दिउसो १२:३० बजे देखि २:३० सम्म चलेको थियो। उक्त बैठकले सन् २०२४ देखि २०२६ सम्मको लागि संगठनको संरक्षक र सल्लाहकारहरु मनोनित गरेको छ। श्री - विपिन राइ ज्यु संरक्षक रहनु भएको छ भने सल्लाहकारमा १- श्री पासांग तामाङ्ग, २- श्री जीवन देवान गाउले ३- सुन्दर आले मगर र ४- श्री दिल कुमार केरुङ्ग रहनु भएको छ। बैठकले धेरै महत्वपूर्ण निर्णयहरु गरेको छ। संगठनलाइ आर्थिक एवं सांगठनिक हिसावले बलियो बनाइ राख्न आवद्ध सबै सदस्यहरुले मासिक लेवी जम्मा गर्नु पर्ने छ। फ़ोनिज मलेसिया शाखालाई संचालन तथा नियमित क्रियाशील बनाइराख्न र भैपरी आउने आपतकालिन अवस्थाको लागि सहयोग होस् भन्ने उदेश्यले (फ़ोनिज मलेसिया कोष) स्थापना गर्ने।
फ़ोनिज मलेसियाले प्रत्येक वर्ष एक अल्पसंख्यक सहित २ उत्कृष्ट फ़ोनिजकर्मि पत्रकारहरुलाइ संघ (केन्द्रको) सिफारिसमा नगद पुरस्कार राशि सहित फोनिज मलेसिया पत्रकारिता पुरस्कारबाट सम्मान गरिने, प्रत्येक ६ /६ महिनामा वा वर्षमा २ पटक पत्रकारिता सम्बन्धि क्षमता अभिवृद्धि तालिम तथा प्रशिक्षणको ब्यबस्था गर्ने, मलेसियामा रहेका जनजाती पत्रकारहरुको पहिचान गरि फ़ोनिजमा समावेश गराउने, अन्य संघ संस्थाहरुसंग साझेदार गरि सामाजिक कार्यहरु गर्ने साथै क्यान्सर रोगबाट ग्रसित हुनु भएका फ़ोनिज पाचथरका सस्थापक अध्यक्ष श्री- कविन्द्र शेर्माको उपचारमा सहयोग गर्ने जस्ता महत्वपूर्ण निर्णयहरु उक्त बैठकले पारित गरेरको छ।
