पेरिस । पेरिसको आइफिल टावर छ दिनको हडतालपछि आइतबार पर्यटकका लागि खुला हुने भएको छ । गत सोमबार यहाँ कार्यरत कर्मचारीहरु हडतालमा उत्रिएका थिए ।
विश्वभरका पर्यटकको आकर्षणको केन्द्र बनेको आइफिल टावरको सञ्चालक एसईटीईले शनिबार कर्मचारी युनियनसँग सम्झौता भएको जनाएको छ । पछिल्लो तीन महिनामा यो दोस्रो हड्ताल हो, जबकि यस गर्मीमा पेरिसमा ओलम्पिक खेलहरू आयोजना हुँदैछन्।
एसईटीईले पर्यटकहरुलाई पर्न गएको असुविधाप्रति क्षमायाचना गर्दै टिकटको पैसा फिर्ता गरिने जनाएको छ । बन्दका कारण करिब एक लाख पर्यटकले प्रवेश पाउन सकेका छैनन् ।
