तेस्रो आँखा
काठमाडाैं,११ माघ । राष्ट्रिय प्रजातन्त्र पार्टी(राप्रपा) ले राष्ट्रियसभा सदस्य निर्वाचनमा प्रदेश १ मा मात्र मतदान गर्ने भएको छ । पार्टीकाे पदाधिकारी बैठकले आफ्नो उम्मेदवार रहेको प्रदेश १ बाहेक अन्य प्रदेशमा मतदान नगर्ने निर्णय गरेकाे हाे ।
माघ १२ गते हुने राष्ट्रियसभा सदस्य निर्वाचनमा आफ्ना जनप्रतिनिधिलाई प्रदेश १ बाहेक अरूप्रदेशमा मतदान नगर्न निर्देशन दिएको राप्पाका केन्द्रीय सदस्य राजेन्द्र गुरूङले जानकारी दिए । राप्रपाले प्रदेश १ मा अमरबहादुर विष्ट र रञ्जु प्याकुरेललाई उम्मेदवार बनाएको छ भने अरु प्रदेशमा उसका उम्मेदवार छैनन् ।
अन्य प्रदेशहरुमा पार्टीको उम्मेदवार नभएकोले पार्टीका तर्फबाट प्रतिनिधित्व गर्ने मतदाताहरुलाई मतदान प्रक्रियामा सहभागी नहुन निर्देशन दिने निर्णय गरिएकाे महामन्त्री भुवन पाठकले विज्ञप्तिमा मार्फत जानकारी दिएका छन् ।
