काठमाडौं, १८ माघ। सरकारले आगामी जेठ ४ गते स्थानीय तहको निर्वाचन गर्ने भएको छ। मंगलबार सरकार र निर्वाचन आयोगबीच भएको छलफलमा स्थानीय तहको निर्वाचन जेठ ४ मा एकै चरणमा गर्ने सहमति भएको हो।
छलफलमा प्रधानमन्त्री देउवाले जेठ ४ गते स्थानीय तहको निर्वाचन गर्ने आयोग समक्ष प्रस्ताव गरेका थिए। जवाफमा आयोगले पनि जेठ ५ गते स्थानीय तहका प्रतिनिधिहरुको कार्यकाल सकिने र त्यस अगावै ४ गते चुनाव गर्न सकिने बताएको थियो।
यसअघि स्थानीय तहको निर्वाचन मितिका विषयमा सत्तारुढ गठबन्धनमा विवाद भएको थियो। मंगलबार प्रधानमन्त्री, मन्त्रीहरु र आयोगका पदाधिकारीहरुकाबीचमा छलफल भएको हो।
