तुलसीपुर, २० जेठ/तुलसीपुर उपमहानगरपालिका भित्र रहेका विद्यालय सोमबारदेखि सञ्चालनमा आउने भएका छन् ।
तुलसीपुर उपमहानगरपालिका शिक्षा समितिको आइतबार बसेको बैठकले सोमबारदेखि पालिका भित्रका विद्यालयमा नियमित पठनपाठन संचालन गर्ने निणर्य गरेको नगरको हो । गर्मी अत्यधिक बढेपछि तुलसीपुर उपमहानगरपालिकाले जेठ १८ गतेदेखि विद्यालय बन्द गर्ने निणर्य गरेको थियो ।
जेठ २२ गतेसम्म विद्यालय बन्द गर्ने निणर्य भएपनि शनिबार साँझ पानी परेपछि शितलता भएकाले सोमबारदेखि विद्यालय संचालनमा आउने तुलसीपुर उपमहानगर शिक्षा समितिका संयोजक मानबहादुर रावतले बताए ।
