काठमाडौं, २९ माघ। मधेस प्रदेशले फागुन १ गते ‘जनयुद्ध दिवस’ काे अवसरमा सार्वजनिक विदा दिने भएकाे छ। प्रदेश सरकारले पहिलोपटक फागुन १ गते का दिन सार्वजनिक विदा दिने भएकाे हाे।
प्रदेशका आन्तरिक मामिला तथा संचारमन्त्री भरतप्रसाद साहले सूचना जारी गर्दै जनयुद्ध दिवसका अवसरमा मधेस प्रदेशभर सार्वजनिक विदा दिने बताएका हुन्। तत्कालीन माओवादीले हिंसात्मक संघर्ष सुरु गरेको दिनलाई मधेस प्रदेशले ‘दिवस’ को मान्यता दिएको छ।
