पदम भुजेल
काठमाडाैं,६ फागुन । एमसीसी खारेजीको माग गर्दै नयाँ बानेश्वरमा २ दिनदेखि विभिन्न ६ राजनीतिक दलका कार्यकर्ता सहित स्वतन्त्र अभियान्ताहरुले सडक तताएका छन् । सरकारले एमसीसी सदनमा पेश गर्ने भनेपछि एकाएक तातेको महोल अझै सेलाएको छैन् । नयाँ बानेश्वरचोकमा ६ राजनीतिक दल निकटका जनवर्गीय संगठन र स्वतन्त्र समूह बिहीबार देखि प्रदर्शनमा छन् ।
हेर्नुस भिडियाे :
प्रदर्शनका क्रममा प्रहरीसँगको सामान्य झडप समेत भएको छ । संसदमा एसमीसी टेबल हुने भनीएपनि दलहरुबीच सहमति नहुँदा एमसीसी आज टेबल हुन सकेन । प्रमुख प्रतिपक्ष दल नेकपा एमालेको अवरोधकाकारण आइतबार बस्नेगरी संसदबैठक स्थगित भएको छ ।
एमसीसी संझौताको विरोधमा बिहीबार देखि बानेश्वरक्षेत्र तानाग्रस्त छ । एमसीसी खारेजीका लागि आन्दोलनलाई उत्कर्षमा पुर्याउने आन्दोलनकारीले जनाएका छन् । आन्दोलनबाट हुन सक्ने क्षेतीको आँकलनगरी सरकारले बानेश्वर क्षेत्र तथा संसद भवन वरीपरी सुरक्षा सतर्कता उच्च राखेको छ । बानेश्वर क्षेत्रमा भएको आन्दोलनलाई उत्तेजित हुननदिन व्यापकरुपमा नेपाल प्रहरी र सशस्त्र प्रहरी परिचालन गरिएको छ ।
