काठमाडौं, २३ साउन । नुवाकोटमा हेलिकप्टर दुर्घटना भएको छ ।
एयर डाइनेस्टीको हेलिकप्टर शिवपुरी–७ सूर्यचौर डाँडामा हेलिकप्टर ठोक्किएको नुवाकोटका प्रमुख जिल्ला अधिकारी रामकृष्ण अधिकारीले जानकारी दिए ।
‘हेलिकप्टर ठोक्किएको छ । चार वटा शव देखिएको बुझिएको छ,’ उनले भने, ‘हाम्रो टोली दुर्घटनास्थल पुग्दैछ ।’
त्रिभुवन विमानस्थलबाट हेलिकप्टर १ बजेर ५४ मिनेटमा काठमाडौंबाट उडेको थियो । हेलिकप्टर नुवाकोटको सूर्यचौर भन्ने स्थानपछि सम्पर्कमा नआएको बताइएको छ ।
घटनाको थप बिवरण आउन बाँकी रहेको प्रहरीले जनाएको छ ।
