काठमाडौं ११ असोज । अविरल वर्षासँगै लेदोसहित पहिरो खस्दा काठमाडौं–नौबिसे सडक अवरुद्ध भएको छ । नौबिसे झ्याप्लेखोला सुरुङमार्ग नजिकै लेदोसहित पहिरो खसेपछि सडक अवरुद्ध भएको हो ।
बाटो अवरुद्ध हुँदा काठमाडौं भित्रिने र बाहिरिने सवारी साधन रोकिएका छन् । पानी परिरहेकाले पहिरो पन्छाउन कठिन भएको प्रहरीले जनाएको छ । प्रहरीका अनुसार देशका विभिन्न ठाउँमा पहिरो खस्दा सडक अवरुद्ध भएको छ ।
