काठमाण्डौं १३ असोज । धादिङको झ्याप्ले खोलामा थप ३ जनाको शव फेला परेको छ । ति शव गोरखाबाट आएको बसका यात्रु हुनसक्ने प्रहरीले अनुमान गरेको छ ।
शुक्रबार बिहान गोरखाको लापुबेँसीबाट काठमाडौँका लागि हिंडेको ना ४ ख २२७० न को बस राति १० बजेदेखि सम्पर्कविहीन छ । झ्याप्लेखोलामा पुरिएका २ वटा बस निकाल्ने क्रममा अर्को बस पनि फेला परेको हो ।
त्यो त्यही गोरखाबाट आएको बस हुनसक्ने अनुमान गरिएको छ । तर पुष्टि गर्न बाँकी छ । बसका चालक र सहचालक समेत सम्पर्कमा नरहेपछि बस पहिरोमा परेको हुन सक्ने आशङ्का गरिएको छ । यद्यपि पहिरोले पुरिएको बस त्यही हो अथवा अरु नै हो भन्ने बिषय खुल्न बाँकी रहेको प्रहरीले जनाएको छ ।
