तुलसीपुर २४ असाेज । तुलसीपुर उपमहानगरपालिका वडा १३ दमारगाँउमा श्रीमानकाे खुर्पा प्रहारबाट श्रीमती गम्भीर घाइते भएकी छिन् ।
बिहीबार दिउँसो पाैने १२ बजेको दंगीशरण ६ बागर निवासी ५२ वर्षीय राजकुमार बादीले ससुरालीमा बस्दै आएकी श्रीमती ४० वर्षीया निरा बादीलाई घरायसी विवादमा खुर्पा प्रहार गरेका थिए । खुर्पा प्रहारबाट निराकाे घाँटी, मुख र दुबै हातमा गहिरो गरि काटिएको छ ।
निराकाे अवस्था गम्भीर छ । उनलाई थप उपचारको लागि नेपालगन्ज रेफर गरिएको छ । श्रीमतीलाई खुर्पा प्रहारपछि राजकुमारले आफैलाई सोहि हतियार टाउकोमा प्रहार गर्दा टाउकोमा गहिरो चोट अवस्था लागेकाे छ ।
उनको राप्ती प्रादेशिक अस्पताल तुलसीपुरमा उपचार भईरहेको इलाका प्रहरी कार्यालय तुलसीपुरले जनाएको छ ।
