रोल्पा,२५ असोज। रोल्पामा जुवा तास खेलिरहेको अवस्थामा प्रहरीले ९ जनालाई पक्राउ गरेको छ । उनिहरुलाई जिल्लाको रुन्टीगढी गाउँपालिका ९ होलेरीमा रहेको एक होटेलबाट पक्राउ गरेको प्रहरीले जनाएको छ।
होलेरीमा रहेको होटेल कोहिनुरबाट जुवातास खेलिरहेको अवस्थामा ९ जनालाई पक्राउ गरि हिरासतमा राखिएको जिल्ला प्रहरी कार्यालय रोल्पाका प्रहरी निरीक्षक रोहित कुमार शाहीले जानकारी दिनुभयो । उनीहरुको साथबाट ९१ हजार ६ सय १५ रुपैयाँ र ५ गद्दी तास बरामद गरिएको उहाँले जानकारी दिनुभयो ।
होटेलमा तास खेलिरहेका सूचना प्राप्त भएपछि प्रहरी निरीक्षक सरोज प्रजापतिको नेतृत्वमा १० जनाको टोलि घटना स्थलमा पुगेको थियो । बिहिवार राति ११ बजेको समयमा उनीहरूलाई पक्राउ गरिएको प्रहरीले जनाएको छ ।
पक्राउ पर्नेहरुको विवरण
१) जिल्ला रोल्पा रुन्टिगढी गाउँपालिका-७ बस्ने बर्ष ३२ को होम बहादुर यरी
२)रुन्टिगढी गाउँपालिका-७ बस्ने बर्ष ३० को गिरिराज रावत
३) रुन्टिगढी गाउँपालिका-७ बस्ने बर्ष २९ को नरेश रोका
४)रुन्टिगढी गाउँपालिका-७ बस्ने बर्ष २८ को दुर्गा बहादुर पुन
५)रुन्टिगढी गाउँपालिका-६ बस्ने बर्ष २५ को दुर्गा बहादुर पुन
६) रुन्टिगढी गाउँपालिका-६ बस्ने बर्ष २९ को सन्तोष चलाउने
७) रुन्टिगढी गाउँपालिका-६ बस्ने बर्ष ३६ को शंकर बुढा मगर
८) रुन्टिगढी गाउँपालिका-९ बस्ने बर्ष ३६ को भेक बहादुर बस्नेत
९)रुन्टिगढी गाउँपालिका-९बस्ने बर्ष ४९ को बिर बहादुर पुन
