काठमाडौं, २९ कात्तिक । काठमाडौंमा एकै परिवारका तीन जना मृत भेटिएका छन्। गोकर्णेश्वर नगरपालिका वडा ३ मा एउटै परिवारका तीनजना बिहीबार दिउँसो मृत अवस्थामा भेटिएका हुन्।
जिल्ला प्रहरी परिसर काठमाडौंका एसपी नवराज अधिकारीका अनुसार ३३ वर्षीया सीता मोक्तान नगरकोटी, उनकी १५ वर्षीया छोरी अंशु मोक्तान र दुई महिनाको बच्चा मृत अवस्थामा भेटिएको हो।
उनका श्रीमान् (कान्छा नगरकोटी) ले श्रीमती र दुई छोराछोरी हराएको भन्दै प्रहरीलाई खबर गरेका थिए । प्रहरीले जाँच गर्दा बन्द कोठाभित्र शव भेटाएको हो ।
एसपी अधिकारीअनुसार सीताका श्रीमान कान्छा नगरकोटीलाई नियन्त्रणमा लिइ अनुसन्धान भइरहेको छ।
