तुलसीपुर, ३ मंसिर । तुलसीपुरमा बसले कुल्चिदा एकजना घाइते भएका छन् । तुलसीपुरबाट काठमाडौं जाँदै गरेको ना ६ ख ७४२९ नम्बरको बसले कुल्चिदा तुलसीपुर वडा ७ का ३५ वर्षीय माधव नेपाली घाइते हुनुभएको छ ।
उहाँलाई सोमबार बेलुका सवा ५ बजेको समयमा तुलसीपुर ६ घोराहीरोडमा बस चढ्ने क्रममा लडेपछि बसको अगाडीको टायरले कुल्चिदा खुट्टामा चोट लागेको छ । घाइते नेपालीको राप्ती प्रादेशिक अस्पताल तुलसीपुरमा उपचार भइरहेको छ ।
उहाँको अवस्था मध्यम रहेको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिनुभयो । बस र बसचालक सुरेश भण्डारीलाई प्रहरीले नियन्त्रणमा लिएको छ ।
