काठमाडौं, १२ मंसिर । नेपाल विद्युत् प्राधिकरण सञ्चालक समितिको बैठकले बिजुलीको लाइन नकाट्ने निर्णय गरेको छ । आज बसेको बैठकले उद्योगहरूमा बिजुली नकाट्ने निर्णय गरेको हो ।
मंगलबार विद्युत नियमन आयोगले उद्योगमा तत्काल लाइन नकाट्न निर्देशन दिएको थियो। विद्युत नियमन आयोगको पत्र अनुसार वैकल्पिक बाटो प्रयोग गरेर पैसा उठाउने तर तत्काल उद्योगमा बिजुली नकाटिने निर्णय भएको हो ।
यसअघि प्राधिकरणले ट्रंक तथा डेडिकेटेड लाइनको बक्यौता नतिर्ने उद्योगको लाइन काटेको थियो। तर अब नियमन आयोगले लाइन नकाट्न निर्देशन दिएसँगै समितिले पनि लाइन नकाट्ने निर्णय गरेको हो।
