तुलसीपुर १४ मंसिर । तुलसीपुरमा रुखबाट लडेर एक बृद्धको मृत्यु भएको छ । मृत्यु हुनेमा तुलसीपुर उपमहानगरपालिका वडा नं. ३ तमाखे निवासी ५४ वर्षीय जेमबहादुर सुनार रहेका छन् ।
सुनार बिहीबार बिहान पौने ९ बजेको समयमा घर नजिकै रहेको लिपलिपेको रुखबाट घाँस झार्ने क्रममा रुखको हाँगा भाचिएर लडेका थिए । रुखबाट लडेर टाउँकोमा चोट लागेका सुनारको उपचारको क्रममा नर्सिङ होम नेपालगञ्जमा सवा १२ बजे मृत्यु भएको इलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो ।
