काठमाडौं, १८ मंसिर । गत आइतबार भएको उपनिर्वाचनबाट निर्वाचित काठमाडौं–१६ की नवनिर्वाचित वडाध्यक्ष रोजिना श्रेष्ठलाई मेयर बालेन शाहले शपथ ग्रहण गराउनु भएको छ । काठमाडौं महानगरपालिकाको कार्यालयमा मंगलबार आयोजित एक कार्यक्रमकाबीच श्रेष्ठलाई शपथ ग्रहण गराइएको हो ।
गत आइतबार भएको उपनिर्वाचनमा श्रेष्ठले नेकपा एमालेका उम्मेदवारलाई पराजित गर्दै वडाध्यक्षमा निर्वाचित हुनुभएको थियो । उहाँ रास्वपाकी नेतृ हुनुहुन्छ ।
