काठमाडौं, २१ मंसिर । अनौपचारिक भ्रमणका सिलसिलामा नेपाल आउनुभएका भुटानका राजा नरेश जिग्मे खेसर नाम्गेल वाङचुक आज स्वदेश फर्किनु भएको छ । उहाँलाई परराष्ट्र मन्त्री आरजु राणा देउवाले त्रिभुवन अन्तर्राष्ट्रिय विमानस्थलमा विदाई गर्नुभएको हो ।
आज बिहान काठमाडौँ आएका भुटानका राजा नरेश वाङचुकले स्वयम्भूनाथ र बौद्धनाथको दर्शनसहित पूजाआजा गर्नुभएको थियो । भारतबाट स्वदेश फर्कने क्रममा उहाँ काठमाडौँ आउनु भएको हो ।
