रोल्पा ५ पुस । रोल्पामा छोराले चिरपटले हान्दा बुवाको मृत्यु भएको छ । जिल्लाको सुनछहरी गाउँपालिका-२ जाजाधाराका ३६ वर्षीय नन्द सिंह परियारलाई उनका छोरा १८ वर्षीय समिर परियारले चिरपटले टाउकोमा हानी हत्या गरेको खुलेको छ ।
घरायसी विवादका कारण दाउराको चिरपटले टाउकोमा हानी घाइते भएका परियारको पुस ४ गते बिहान साढे ३ बजेको समयमा आफ्नै घरमा मृत्यु भएको प्रहरीले जनाएको छ ।
हत्या आरोपी समिर परियारलाई प्रहरीले नियन्त्रणमा लिइसकेको छ । परियारको शव पोष्टमार्टमका लागि अस्पताल ल्याइएको छ ।
