काठमाडौँ ५ पुस । काठमाडौँ महानगरपालिकाले अनामनगरस्थित कवाडी गोदाममा डोजर चलाएको छ । शुक्रवार दिउँसो काठमाडौँ महानगरपालिकाले कवाडी गोदाममाथि डोजर चलाएको हो ।
महानगरपालिकाले गोदाममाथि डोजर चलाउँदा त्यहाँका मजदुरहरू र महानगर प्रहरी बिच भनाभन भएको छ । यसअघि नै महानगरपालिकाले उक्त स्थानबाट कवाडी गोदाम हटाउन भन्दै सूचना जारी गरिसकेको थियो । तर महानगर एक्कासि आएर डोजर चलाउँदा आफूहरूले पाकेको खाना समेत खान नपाएको मजदुरहरूको गुनासो छ ।
