काठमाडौँ, जेठ २१ गते । सरकारले मन्त्रिपरिषद् बैठकका १४ वटा निर्णय सार्वजनिक गरेको छ। बुधबार सरकारका प्रवक्ता एवम् सञ्चार तथा सूचना प्रविधिमन्त्री पृथ्वी सुब्बा गुरुङले पत्रकार सम्मेलन गर्नुहुँदै जेठ १५ र १९ गते मन्त्रिपरिषद् बैठकका १४ वटा निर्णय सार्वजनिक गर्नुभएको हो ।
मन्त्री गुरुङले नेपाल सरकारका आर्थिक वर्ष २०८२/८३ काे बजेट वक्तव्यसहित राजश्व र व्ययकाे अनुमान सङ्घीय संसदसमक्ष गर्ने स्वीकृति प्रदान गर्ने बताउनुभयाे ।
यस्तै, असार ३ गते अष्ट्रियाकाे भियनामा आयाेजना हुने ओपेक विकास काेष फाेरममा अर्थ मन्त्रालयका सचिवलाई सहभागी हुन स्वीकृति प्रदान गर्ने उहाँले उल्लेख गर्नुभयाे ।
यसैगरी, नेपाली सेनातर्फ एक जना प्रमुख सेनानीकाे महासेनानी दर्जामा बढुवा गर्ने, दस जना महासेनानीहरुकाे सरुवा गर्ने र एक जना महासेनानीकाे राजीनामा स्वीकृत गर्ने निर्णय बैठकले गरेकाे छ ।
सरकारले यससहित अन्य विभिन्न १४ वटा निर्णय गरेको छ ।
