दाङ, २२ जेठ । दाङको तुलसीपुर-९ बेलुवामा दुई किशोरबीच भएको झगडामा गम्भीर घाइते भएका बालकको मत्यु भएको छ ।
नेपालगञ्ज स्थित नर्सिङ होममा उपचारको क्रममा गम्भीर घाइते भएका रुकुम बाँफिकोट गाउँपालिका स्थायि घर भई हाल तुलसीपुर–८ दूधेनामा बस्दै आएका १४ बर्षीय विराज गिरीको मृत्यु भएको हो ।
उनको उपचारको क्रममा विहीबार विहान ३ बजेतिर मृत्यु भएको इलाका प्रहरी कार्यालय तुलसीपुरका सुचना अधिकारी सूर्य राणाले जानकारी जानकारी दिनुभयो । उहाँका अनुसार गिरी र बेलुवा निवासी १५ बर्षीय यज्ञ वलीबीच विवाद पछि झगडा हुँदा गम्भीर घाइते भएका थिए ।
उनको टाउकोमा गहिरो चोट लागेको थियो । वलीलाई प्रहरीले नियन्त्रणमा लिएको छ । घटनाको थप अनुसन्धान भइरहेको प्रहरीले जनाएको छ ।
