चितवन, १० मंसिर । नेकपा एमालेका अध्यक्ष केपी शर्मा ओलीले नेकपा एमाले बेरोजगारहरूले तास फिट्ने र बाँड्ने पार्टी नभएको बताउनु भएकाे छ । उहाँले यो पार्टी सिर्जनशील व्यक्तिहरूको पार्टी भएका बताउनु भएकाे हाे ।
आफ्नो सिर्जनशीलताले देश विकास र सम्पन्न बनाउन उहाँले आग्रह गर्नुभयाे ।उहाँले नेकपा एमाले सधैँ देशवासीप्रति चिन्तित रहने पार्टी भएको र सोहीअनुसार समृद्ध नेपाल सुखी नेपाली अभियान चलाएको दाबी गर्नु भएकाे छ ।
अब नेपाली सन्ततिले दुःख, अशान्ति, बेरोजगारी, अभाव, बिरामी, रोगी भएर बस्नु नपर्ने पनि उहाँकाे भनाइ छ । यस्ता विषय अब सिनेमा र डकुमेन्ट्रीमा मात्रै देखिने उहाँले बताउनुभयाे ।
