तेस्रो आँखा
काठमाडौं, १५ चैत्र । नेपाली कांग्रेसले ३० वैशाखमा हुने स्थानीय तह निर्वाचनका लागि उपसभापति पूर्णबहादुर खड्कालाई चुनावी कमान्डर तोकेको छ ।
मंगलबार बसेको केन्द्रीय समिति बैठकले सो निणर्य गरेको हो । केन्द्रीइ समिति बैठकको निर्णय सुनाउँदै प्रवक्ता डा. प्रकाशशरण महतले स्थानीय तह निर्वाचन केन्द्रीय परिचालन समिति गठन गरिएको र त्यसको संयोजकमा उपसभापति खड्कालाई तोकिएको जानकारी दिएका हुन् ।
समितिको सदस्य पार्टी सभापति शेरबहादुर देउवाले आपसी परामर्शमा तोक्ने बताइएको छ । त्यस्तै निर्वाचन प्रचार प्रसार समिति संयोजकमा प्रवक्ता डा. महत चयन भएका छन् । सदस्यहरु सभापति देउवाले नै आपसी सहमतिमा चयन गर्नेछन् ।
