पाख्रीबास, असरा २१ गते । नेपाल सरकारका गृहमन्त्री सुदन गुरुङले धनकुटास्थित जिल्ला प्रहरी कार्यालय र जिल्ला प्रशासन कार्यालयको अनुगमन तथा निरीक्षण गर्नु भएको छ । आइतवार बिहान धनकुटामा अवस्थित निशान भगवतीको मन्दिर दर्शनपछि जिल्लाका विभिन्न कार्यालयको अनुगमन तथा निरिक्षण गर्नुभएको हो ।
निशान मन्दिर परिसरमा राष्ट्रिय स्वतन्त्र पार्टीका नेता तथा कार्यकर्ताले उहाँलाई स्वागत गरेका थिए । स्वागत पश्चात् उहाँले जिल्ला प्रहरी कार्यालय, जिल्ला प्रशासन कार्यालय र कारागारलगायतका कार्यालयको अनुगमन गर्नुभएको थियो ।
गृहमन्त्री गुरुङ शनिबार धनकुटाको भेडेटार आइपुग्नु भएको थियो । भेडेटारस्थित त्यहाँ रहेको इलाका प्रहरी कार्यालयको समेत अनुगमन तथा निरीक्षण गर्नु भएको थियो ।
कार्यालय अनुगमन तथा निरिक्षणपछि उहाँ आफन्तको तथा पारिवारिक भेटघाट गर्नुभएको थियो । भेटघाटपछि उहाँ सुनसरीको धरानस्थित बिपी कोइराला स्वास्थ विज्ञान प्रतिष्ठान घोपा क्याम जाने कार्यक्रम रहेको छ ।
