काठमाडौं, ७ वैशाख । सत्तारुढ गठबन्धनको तर्फबाट काठमाडौं महानगरपालिकाको मेयरमा नेपाली कांग्रेसकी सिर्जना सिंह उम्मेद्वार बन्ने पक्का भएको छ ।
महानगर कार्यसमितिले आकांक्षीका नाम केन्द्रलाई सिफारिस नगर्दै सिंहलाई उम्मेदवार बनाउन नेताहरु सहमत भएका छन् । मंगलबार बसेको सत्ता गठबन्धनको बैठकमा कांग्रेस नेताहरुले सिंहलाई काठमाडौंमा मेयरको उम्मेदवार उठाउने बताइएको छ ।
महानगर कार्यसमितिले सिफारिस गरेका नामबाट केन्द्रीय संसदीय समितिले उम्मेदवार छनोट गर्ने विधानमा व्यवस्था गरिएकाे छ । तर सिर्जना सिंह कांग्रेसको काठमाडौंको मेयर पक्का जस्तै भएपनि हालसम्म कसैकाे नाम सिफारिस नगरेकाे महानगरका कांग्रेसले जनाएकाे छ ।
काठमाडौं कांग्रेसको राजनीतिमा पकड सिर्जनाका पतिसमेत रहेका कांग्रेस नेता प्रकाशमान सिंहमा छ ।
