काठमाडौं, ११ वैशाख । ओखलढुंगामा कांग्रेस–माओवादी गठबन्धनले आठ वटै स्थानीय तहमा उम्मेदवार टुंगो लगाएको छ । गठबन्धनमा कांग्रेस र माओवादी बीच भएको तालमेलमा नेकपा माओवादी केन्द्रले एक गाउँपालिका प्रमुख र तीन उप प्रमुख पाएको छ ।
त्यस्तै नेपाली कांग्रेसले एक नगरपालिका सहित सात प्रमुख र पाँच उपप्रमुख लिने सहमति भएको नेपाली कांग्रेस ओखलढुंगाले जनाएको छ । जस अनुसार नेपाली कांग्रेसले सिद्धिचरण नगर प्रमुखमा तेजेन्द्र खनाल, मोलुङ गाउँपालिका अध्यक्षमाा प्रकाश दाहाल, सुनकोशी गाउँपालिकामा कमल तामाङ, चम्पादेवी गाउँपालिकामा नवराज केसी, लिखु गाउँपालिकामा अशोक कार्की, मानेभञ्ज्याङ गाउँपालिकामा ज्ञानेन्द्र रूम्दाली र खिजिदेम्बा गाउँपालिकामा भुपेन्द्र बस्नेतको नाम टुंगो लागेको हाे।
चिसंखुगढी गाउँपालिका अध्यक्षमा माओवादी केन्द्रका निशान्त शर्मा र उपाध्यक्षमा नेपाली कांग्रेसका सन्तोषबाबु थापाको नाम सहमति भएको हो । नगरको उपप्रमुखमा नेकपा माओवादीका रुपेश शाक्य, सुनकोशीको उपाध्यक्षमा कांग्रेसबाट सुनिता अधिकारी, मानेभञ्ज्याङ उपाध्यक्षमा कांग्रेसबाट मायाँ राई र खिजेदेम्बा उपाध्यक्षमा कांग्रेसका सुशिला तामाङको नाम टुंगो लागेको नेपाली कांग्रेसका केन्द्रीय सदस्य रामहररी खतिवडाले जानकारी दिए ।
मोलुङ, चम्पादेवी र लिखुको उपाध्यक्षकाे लागि छलफल भैरहेको र केही समयमा टुंगिने बताइएको छ । ओलढुंगाको गठबन्धनबाट जसपा र नेकपा एकीकृत समाजवादी भागबन्डामा कुरा नमिल्दा बाहिरिएका छन् ।
