तेस्रो आँखा
काठमाडौं, ११ वैशाख । बागमती प्रदेशसभा सदस्य केशव स्थापितले आफ्नो पदबाट राजीनामा दिएका छन् ।
काठमाडौं महानगरपालिकाको प्रमुख पदमा नेकपा (एमाले)का तर्फबाट उम्मेदवार भएपछिउनले आफ्नो पदबाट राजीनामा दिएका हुन् । उनले आज बागमती प्रदेशसभाका सभामुख सानुकुमार श्रेष्ठसमक्ष लिखित राजीनामा दिएको जानकारी दिए ।
यसअघि बागमती प्रदेशसभा सदस्य विजय सुवेदीले भरतपुर महानगरपालिकाको प्रमुख पदमा उम्मेदवारी दिनका लागि प्रदेशसभा सदस्य पदबाट राजीनामा दिएका थिए । उनीहरु दुवै एमालेबाट बागमती प्रदेशसभा सदस्यमा निर्वाचित भएका थिए।
