तेस्रो आँखा
काठमाडौं, १४ वैशाख । लिसंखु पाखर गाउँपालिका-६ को वडा अध्यक्षमा युवा नेता सुरज खड्काले स्वतन्त्र उम्मेदवारी दिएका छन् ।
लिसंखु पाखर गाउँपालिकामा जन्मिएर गाउँ समाजको सेवा गर्दै आएका खड्काले गाउँको विकासका लागि युवा नेतृत्व आवश्यक भएकोले आफूले उम्मेदवारी दिएको बताएका छन् । आफ्नो पालिकाको शिक्षा, स्वास्थ्य, सडक, विद्युत, खानेपानी लगायत जनतासँग प्रत्यक्ष जोडिएका विषयहरुको विकास गर्ने योजना आफूसँग भएको उनको भनाइ छ ।
अन्य पार्टीले पटक पटक अवसर पाउदा पनि केही गर्न नसकेको कारण आफूले उम्मेदवार दिएको उनको भनाइ छ । ‘पहिला विकल्प नभएकोले केहि नगर्नेलाई पनि पटक पटक भोट हाल्नुपर्ने बाध्यता थियो’, खड्काले भने ‘अब हामीले विकल्प दिएका छौं । गाउँसमाजको मुहार फेर्न मलाई एक मौका दिन आम नागरिकलाई अनुरोध गर्दछु ।’ जनताले विकल्प खोजेकोले आफ्नो जित सुनिश्चित रहेको उनकाे भनाइ छ ।
