काठमाडौं, २१ वैशाख । नेपाली कांग्रेसले भातृ तथा शुभेच्छुक संस्थाहरूलाई आफ्ना पूर्व निर्धारित अधिवेशन/महाधिवेशन हाललाई स्थगन गर्न निर्देशन गरेको छ ।
यही वैशाख ३० गते हुने स्थानीय तहको निर्वाचन नजिक महाधिवेश/ अधिवेशन गर्न सम्भव नभएकाेले अधिवेशन स्थगन गर्न निर्देशन गरीएकाे नेपाली कांग्रेसका मुख्य सचिव कृष्ण प्रसाद पाैडेलले जानकारी दिए । पार्टीका उम्मेदवार तथा गठबन्धनमा रहेका दलसँग तालमेल गरिएका उम्मेदवारलाई विजयी बनाउन पार्टीका सम्पूर्ण साङ्गठनिक संरचना, भ्रातृ सङ्घ, शुभेच्छुक संस्थालगायत विदेशस्थित जनसम्पर्क समिति क्रियाशील रहेकाले निर्वाचनको अन्तिम परिणाम प्राप्त हुनेवित्तिकै अधिवेशन/महाधिवेशनको नयाँ कार्यतालिका निर्धारण गरी तदनुरुप गर्न सम्बद्ध सबैमा नेपाली काँग्रेसले निर्देशन गरेको हो ।
साथै पार्टीले निर्वाचनमा पार्टीका उम्मेदवार तथा गठबन्धनमा रहेका दलसँग तालमेल गरिएका उम्मेदवारलाई विजयी बनाउन सक्रियतापूर्वक लाग्न अनुरोध गरेको छ ।
