तेस्रो आँखा
काठमाडौं, १ जेठ । पछिल्लो २४ घण्टामा नेपालभर थप सात जनामा कोरोना संक्रमण पुष्टि भएको छ ।
जम्मा दुई हजार एक सय ८८ जनाको नमुना परीक्षण गर्दा सात जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
दुई हजार ९२ जनाको पिसिआर परीक्षण गर्दा सात जनामा र ९६ जनाको एन्टीजेन परीक्षण गर्दा शून्य जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने १५ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या एक सय ४२ रहेको छ ।
