तेस्रो आँखा
काठमाडौं, ३ जेठ । ओखलढुंगाको सिद्धिचरण नगरपालिकाको मेयरमा नेपाली कांग्रेसका तेजन्द्र खनाल निर्वाचित भएका छन् । उनले नेकपा एमालेकी इच्छाकुमारी गुरुङलाई १ हजार १ सय २१ मतले पछि पार्दै मेयरमा जित निकालेका हुन्।
खनालले ६ हजार ७ सय ९१ मत पाए भने उनका निकटम् प्रतिस्पर्धी गुरुङले ५ हजार ६ सय ५० मत प्राप्त गरिन् । उप प्रमुखमा भने नेकपा एमाले केदारबाबु बस्नेत विजयी भए ।
उनले माओवादी केन्द्रका रुपेश शाक्यलाई ५ सय १६ मतले पछि पार्दै जित हात पारे । वस्नेतले ५ हजार ६ सय ९८ मत पाउँदा निकटतम् प्रतिद्वन्द्वी शाक्यले ५ हजार १ सय ५२ मत पाए ।
सिद्धिचरण नगरपालिकामा कांग्रेस–माओवादी गठबन्धन वडा तहसम्मै भएको थियो । १२ वडामध्ये कांग्रेसले ९ वडा जितेको छ भने एमालेले २ र माओवादी केन्द्रले १ वडा जितेको छ । २०७४ सालमा एमालेले प्रमुख, उप प्रमुखसहित ७ वडा जितेको थियो ।
वडा अध्यक्षका विजयीहरु:
वडा नम्बर १ तिर्थ घिमिरे (नेका)
वडा नम्बर २ वसन्त कट्वाल (नेकपा माओवादी)
वडा नम्बर ३ सिताराम दाहाल (नेका)
वडान नम्बर ४ रत्न ब. गुरूङ (एमाले)
वडा नम्बर ५ डिल्लिशेर राई (एमाले)
वडा नम्बर ६ मेख ब. मगर (नेका)
वडा नम्बर ७ भल ब. कट्वाल (नेका)
वडा नम्बर ८ एकराज तामाङ (नेका)
वडा नम्बर ९ गुणाराज खड्का (नेका)
वडा नम्बर १० रमेश धमला (नेका)
वडा नम्बर ११ विनोद ताम्राकार (नेका)
वडा नम्बर १२ उमंग श्रेष्ठ (नेका)
