तेस्रो आँखा
काठमाडौं, ८ जेठ ।स्थानीय तह निर्वाचनअन्तर्गत कोहलपुर नगरपालिकामा नेपाली कांग्रेसका उम्मेदवार विजयी भएको छ। कांग्रेसबाट उम्मेदवार भएका युवा नेता पूर्ण आचार्यले १४ हजार १३४ मत प्राप्त गरी नगर प्रमुखमा विजयी भएका छन।
उपप्रमुखमा पनि कांग्रेसकै सङ्गीता सुवेदी विजयी भएकी निर्वाचन अधिकृत तीर्थराज भट्टले जानकारी दिए । उनका अनुसार, प्रमुखमा आचार्यका निकटतम प्रतिद्वन्द्वी नेकपा एमालेका खिलप्रसाद भुसालले १२ हजार २८५ मत प्राप्त गरे भने माओवादी केन्द्र र नेकपा एकीकृत समाजवादीको तर्फबाट नगर प्रमुखको उम्मेदवार भएका माओवादी केन्द्रका उम्मेदवार नरेन्द्र न्यौपानलाइै नौ हजार ७२५ मत प्राप्त भएको थियो ।पन्ध्र वडा रहेको कोहलपुरमा
कांग्रेसले वडा नं २, ४, ६, ८, १०, १२, १३, १४ र १५ गरी नौ वटा वडा जितेको छ । एमालेले वडा नं।३, ५, ७ र ११ नं वडामा विजयी हासिल गरेको छ भने माओवादी केन्द्रले वडा नं १ र ९ मा जित हासिल गरेको छ ।
