तेस्रो आँखा
काठमाडाैं, जेठ । सप्तरीको रुपनी गाउँपालिकाले नवनिर्वाचित पदाधिकारीहरुको विजय उत्सवको लागि सार्वजनिक बिदा दिने निर्णय गरेको छ ।
जेठ नौ गते गाउँपालिकाले निकालेको विज्ञप्तिमा गाउँपालिकाका नवनिर्वाचित अध्यक्ष दिनेश कुमार यादवको आदेशअनुसार सार्वजनिक विदा दिएको उल्लेख छ । विज्ञप्तिमा सरकारी कार्यालय, संघसंस्था, शिक्षण संस्था, स्वास्थ्य संस्थाहरु लगायत सम्पूर्ण कार्यालयहरु जेठ नौ गतेका लागि सार्वजनिक विदा दिएको व्याहोरा उल्लेख छ ।
स्थानीय स्तरको विकास र सेवाको लागि चुनिएका प्रतिनिधिले यसरी विजय उत्सवको लागि आफूखुसी सार्वजनिक विदा दिने कार्य गलत भएको जानकारहरु बताउँछन् ।
