तेस्रो आँखा
काठमाडौ,११ जेठ । तनहुँकाे व्यास नगरपालिकाको मेयरमा पराजय भएका स्वतन्त्र उम्मेद्वार दीपकराज जोशीले पुनः मतगणनाकाे माग गरेका छन् ।
बुधबार दमौलीमा पत्रकार सम्मेलन गर्दै उनले निर्वाचन आयोगमा पुनः मतगणनाको लागि माग गरेका हुन् ।
उनले मतगणना निष्पक्ष रुपमा र आयोगले भने अनुसार नभएको आरोप लगाउँदै पुनः मतगणनाको हुनुपर्ने बताए ।
वडा न १ देखि ८ सम्म जितेको परिमाणमा सुनाइएको र वडा न ९ देखि १४ सम्म विपक्षको योजनामा षड्यन्त्रपूर्वक आफ्नो विपक्षमा परिणाम निकालिएको उनको आरोप छ ।एमालेको सहयोगमा नगरको मेयरको उम्मेदवार बनेका जोशी कांग्रेसका बैकुण्ठनाथ न्यौपानेसँग २५२ मतान्तरले पराजित भएका थिए ।
कांग्रेससँग असन्तुष्ट बनेका पूर्वसहमहामन्त्री गोविन्दराज जोशीले आफ्नो राजनीतिक विरासत फर्काउन एमालेलाई साथमा लिएर छोरा दीपकलाई मेयरको उम्मेदवार बनाएका थिए ।
