तेस्रो आँखा
काठमाडौं,१२ जेठ । काठमाडौं महानगरपालिकामा दोस्रो स्थानका लागि केशव स्थापित र सिर्जना सिंहको प्रतिस्पर्धा देखिएको छ।
केही वडाको मत गणना गर्न बाँकी छँदै मेयरमा बालेन्द्र साह ९बालेनको जित पक्का भइसकेको छ । वडा नम्बर १४, १५ र १६ को गणना चलिरहँदा साहले ५८ हजार २६१ मत पाएका छन् ।
नेकपा एमालेका उम्मेदवार स्थापितले ३६ हजार ८५० मत पाएका छन् । सुरुदेखि दोस्रो स्थानमा रहेका स्थापीतलाई उछिनेर सिर्जना दोस्रो स्थानमा आएकी थिइन् ।तर उनी फेरि तेस्रो स्थानमा पुगेकी छन् ।
उनले ३६ हजार ६०४ मत पाएकी छन् । राप्रपाका उम्मेदवार मदनकृष्ण श्रेष्ठले भने ५ हजार ८४५ मत पाएका छन् ।
उपमेयरमा जित पक्का गरिसकेकी सुनिता ढंगोलले ६५ हजार ५३८ मत पाएकी छन् । एकीकृत समाजवादीका रामेश्वर श्रेष्ठले २२ हजार १६४ मत पाउँदा राप्रपाकी बिनिता मगैयाँले १२ हजार २७३ मत पाएकी छन् ।
