तेस्रो आँखा
काठमाडौं, १३ जेठ । ७ करोड रुपैयाँ बार्गेनिङ गरेको आरोपमा प्रहरीले ६ ‘पत्रकार’सहित ७ जनालाई पक्राउ गरेको छ ।
पक्राउ पर्नेमा उदयपुरको त्रियुगा-१० का २१ वर्षीय सुजन आचार्य, कालिकोटको सान्नीत्रिवेणी-८ का २९ वर्षीय टेक विक, बझाङको खप्तडछान्ना-७ का धर्मराज थापा रहेका छन् ।
यस्तै काभ्रेपलान्चोकको तिमाल-३ का ३३ वर्षीय उमेश भण्डारी, गुल्मीको धुरकोट-२ का २९ वर्षीय बसन्ता खनाल, चितवनको भरतपुर-११ का ३२ वर्षीय सुरज शर्मा र काठमाडौंको सिनामंगलका ३३ वर्षीय श्रवण कार्की रहेका छन् ।
भण्डारी बाहेक सबै पत्रकार भएको प्रहरीले जनाएको छ। प्रहरीका अनुसार उनीहरूले एक व्यक्तिसँग बार्गेनिङ गर्दै धाक धम्की दिएका थिए । प्रहरीका अनुसार उनीहरूले एक व्यक्तिसँग बार्गेनिङ गर्दै धाक धम्की दिएका थिए । पीडितको कमीकमजोरी थाहा पाएर बार्गेनिङ गरेको देखिएकाे बताइएकाे छ ।
