काठमाडौं, १६ मंसिर । नेपाली कांग्रेसले आसन्न १४ औं महाधिवेशनको मुखैमा आइपुग्दा १६ जिल्लाको जिल्ला अधिवेशन स्थगित गरेको छ ।
केन्द्रीय निर्वाचन समितिले आज विज्ञप्ति जारी गर्दै विभिन्न कारणले रोकिएका सिन्धुपाल्चोक, सिन्धुली, मकवानपुर, नवलपरासी, बाँके, अछाम, कैलाली र प्रदेश २ का ८ जिल्ला पर्सा, बारा, रौतहट, सर्लाही, महोत्तरी, धनुषा, सिरहा, सप्तरीमा अधिवेशन स्थगन गरेको जनाएको हो ।
निर्वाचन समितिका सचिव जगन्नाथ श्रेष्ठले १६ जिल्लालाई ताकेता गर्दा पनि अहिलेसम्म अधिवेशन सम्पन्न गर्न नसकेका कारण जिल्ला अधिवेशन स्थगन गर्नुपरेको जानकारी दिनुभयो ।
उहाँले मंसिर २४ देखि २६ गतेसम्म काठमाडौंमा हुने केन्द्रीय महाधिवेशन प्रतिनिधि चयन भइसकेकाले महाधिवेशन प्रभावित नहुने बताउनुभयो ।
कांग्रेसले ६१ जिल्लामा नेतृत्व चयन गरेकाे जनाएको छ ।
